Onvoorwaardelik

Moenie moedeloos word
moenie moed verloor
moenie dat die mens
jou vreugde kom steel
soms is dit die refrein
in jou kop
wat jy oor en oor herhaal
totdat jou stapel gek wil laat
jy soebat en smeek
en bid tot God
jy vertrou en probeer staan vas
jy ken die waarheid
jy houvas aan Sy beloftes
steeds
kom daar stemme van êrens
wat jou bly koggel
jou probeer oortuig
jy droom
uitkoms is nie vir jou
dan stuur God
daardie een engel
wat Hy spesiaal
vir ‘n dag soos vandag
spesiaal vir jou gebêre het
en Hy gee die uitkoms
Hy lig jou op
Hy tel jou ken op
kyk in jou oë
en fluister:
“Weet jy nie
hoe spesiaal jy vir My is nie?”
Hy laat jou luister
na ‘n suiwer stem
wat ‘n area sing
moeiteloos
perfek
fenomenaal
en jy hoor weer
hoe wonderlik Hy geskep het
jy hoor die volmaaktheid
van ‘n God
wat jou onvoorwaardelik liefhet
die warm trane
wat oor jou wange rol
die bewys van jou
dankbaarheid
tog ook jou verwondering
oor God se almag
se liefde
se sorg
se voorsiening
aan ‘n mens se kind soos jy
wat kan jy Hom bied
maar net gehoorsaamheid
om Hom in alles te behaag
onvoorwaardelike afhanklikheid
in Sy almag.

(c) Marsofine Krynauw