Staan vas in Christus

Middag Vriende,
Ek weet nie van julle nie, maar ek is vol afwagting vir Lentedag wat die amptelike begin van Lente aankondig. Ek is ‘n lentekind, ‘n blommekind, en die lente se kleure en prag praat met my. Buiten dan dit pragtig is, gee dit my ‘n ander tipe energie.
Vanoggend lees ek uit Efesiërs 3 waar Paulus uit die tronk die gemeente bemoedig om die moedeloos te word nie. Al is die lente in die lug, en nuwe lewe en groei oral sigbaar, weet ek dat daar baie mense is wat rede het om moedeloos te word.
Jy mag dalk bekommerd wees oor jou kinders, jou man, jou vrou. Jy mag dalk ‘n geliefde hê wat siek is, jy mag dalk jou kwel oor finansies vir jou familie, daar mag dalk iemand in jou familie of vriende kring wees wat sukkel met ‘n verslawing.
Daar is soveel dinge wat daagliks ons kan bekommer. Dalk bid jy al lank oor die saak, maar dit voel nie of daar uitkoms is nie.
Vandag wil ek jou bemoedig, ons moet vasstaan in geloof. Ons moet vertrou op ons Vader wat alles kan en vir wie niks onmoontlik is nie.
Paulus is die een in die tronk, tog bid hy steeds vir die wat dalk namens hom mag moedeloos raak. Hoe wonderlik is dit nie. So moet die sterkes onder ons ook die swakkes dra en bemoedig.
Efesiers 3:
13Daarom bid ek dat julle nie moedeloos word omdat ek om julle ontwil ly nie. Julle moet dit eerder as 'n eer beskou.
Ons moet staan op ons Vader se vele beloftes in sy woord en dit sal my altyd terugbring na die een kort vers in Psalm 54:3 – Die dag as ek vrees, sal ek op U vertrou. Daarmee wil ek glad nie sê net die dag as jy vrees nie, nee. Eerder ons moet nie vrees nie, want vrees is nie van God nie, maar as ons situasie vir ons te veel raak en ons wel vrees bly God ons toevlug.
Net as ons elke dag op ons Vader se beloftes staatmaak, in Sy krag wandel, en met Hom praat het ons ‘n versekering dat ons nie hoef moedeloos te word nie.
Kom ons nader tot Hom, glo in Hom, vertrou Hom, dank Hom, eer Hom vir sy goedheid en trou. ‘n Dankbare hart kan nie moedeloos word nie.