Middag Vriende,
Julle kom seker agter dat my pas skielik baie stadiger is, ja, dit is, want ek het gister daardie groot stuk werk afgehandel en gun myself nou die stadiger pas vir ‘n paar dae voor ek die volgende boek begin skryf. Steeds hier is ek, en dit is ‘n lieflike dag in Windhoek, met lekker sonskyn. Vandag se foto is van blommetjies uit my tuin waarvoor ek dankbaar is.
Vanoggend wil ek net in kort weer gesels oor ons afhanklikheid van God. Ek gee vir julle Matteus 15:5
25Maar die vrou kom kniel voor Hom en sê: “Here, help my!”
As dit met jou moeilik gaan, weet dat jy na God kan gaan en Hy is daar altyd. Of dit goed of sleg met jou gaan, God is altyd daar. Kniel soos hierdie vrou voor jou Vader en gee daardie swaar las waaraan jy jou so dood dra vir Hom, en wees dat rustig in die wete dat Hy groot en almagtig is om daarmee te deel.
Jy moet net oorgee, en net onvoorwaardelik vertrou net op ons God.
Bely vandag jou afhanklikheid aan ons Almagtige Vader. Ja in hierdie dag in tyd mag ons mos nie afhanklik wees nie, maar glo my as jy nie jou afhanklikheid van God bely nie, sal jy bly sukkel met jou eie planne wat nie uitwerk nie.
Psalm 54:4 – Die dag as ek vrees, sal ek op die Here vertrou.
Vertrou op die Here, nie net die dag as jy vrees nie, maar altyd.
Luister gerus na die lied wat ek hierby aanheg se woorde.
Geniet my mooi hartland met al sy blomme prag hierdie naweek namens my.
https://www.google.com/search?gs_ssp=eJzj4tFP1zcsNM0yzsjIKjBg9JLPVMhLTU1RKMlITVXIz1BA5hbn56UDAF_jD1g&q=i+need+thee+oh+i+need+thee+song&oq=i+need+thee+oh+i+need+thee&gs_lcrp=EgZjaHJvbWUqBwgFEC4YgAQyBggAEEUYOzIHCAEQABiABDIHCAIQABiABDIHCAMQABiABDIHCAQQABiABDIHCAUQLhiABDIHCAYQABiABDIHCAcQABiABDIHCAgQABiABDIHCAkQABiABNIBCTEyNzc0ajBqN6gCALACAA&sourceid=chrome&ie=UTF-8
Geen opmerkings nie:
Plaas 'n opmerking