Op Sossus se duin
het die wind geploeg
die mooiste kontoere
in die duinsand gelaat
die koringlande
van die Swartland na-aap
‘n kabbelduin agtergelaat
tog as jou oog
verder gaan
sien jy die
kalkwit droë pan
merk jy in verwondering
die gladste rooiduin
net daar oorkant die pan
volmaak gekurf
geen rimpel of spoor
gelaat deur wind
met kunstige hand
die kontras so fenomenaal
dieselfde wind
wat kartels blaas
net oor die pan
met plathand glad
en vloeiend
die volgende duin aanraak
‘n kunstenaar
‘n skeppings wonder
dit het ons Vader jou gemaak
ons vriend die wind
wat Sossus se duine
meesterlik uniek maak.
© Marsofine Krynauw
Fotograaf Solly Levi
Geen opmerkings nie:
Plaas 'n opmerking