Hoe lyk jy vrou
deur Meester hand gevorm
tot ‘n unieke volmaaktheid
wat geen ander skepsel
ooit op sal kan roem
jy in wie se
fyne liggaam
lewe sal groei tot wasdom
jy wie barensnood
sal deurleef
om voortbestaan
vir die mensdom
te verseker
jy wie se hart
sag soos watte moet wees
maar se wil
soos die van gelouterde staal
jy wat die diepste
emosies moet kan beleef
nie net vir jou geliefdes
maar ook die mensdom om jou
jy wie se hand moet kan
bak, kan kook, kan voed
maar ook die ploeg kan stoot
as die nood
so van jou vra
jy wat moet kan
versorg
vertroos
maar ook jou man
se arms hoog moet hou
as die lewens-storm
hom wil platslaan
so fyn en broos
skoonste van die skones
tog is jy ook die een
wat tussen jou gesin
en die vyand sal staan
met ‘n yster wil
en ‘n hart van staal
nie sal skroom om te sterf
as gevaar
jou geliefdes bedreig
en deur dit alles
sal jy nederig bly
wat jy weet waar jy alleen
jou krag vandaan kry
die Een wat jou
met Sy meester hand
geskep het –
dat ‘n traan oor jou
wange kan rol
maar halfpad kan stol
om die te beskerm
wie Hy uit genade jou geskenk het
vernietigend soos ‘n verterende vuur
maar sag en broos
kwesbaar vir seer
hunker jy na die liefde
net van jou eie man
net van die kinders wat jy in pyn gebaar het
nederig om altyd te dien
dat ander in jou
Jesus se hart kan sien.
© Marsofine Krynauw
Geen opmerkings nie:
Plaas 'n opmerking