Dit is Augustus
die maand van die wind
maar wind se danslus
het vroeg begin
tussen die duine
van die Naukluft
het hy sy riel getrap
‘n hewige stofwolk opgeskop
nou wat sal my keer
my volstruis se kind
om ook my riel
hier voor die duin
te trap
die kotiljons
te dans dat
die klippe so spat
dan wind af koers te kry
voor die wind
stof in my oë kan skop
met sy wilde dans
waarmee hy die duine
omklits dat die stof boë
so staan
alles in duisternis laat
dat ek byna nie kan sien
waar my wyfie
skuiling hou
die wind se dans
wat haar nou
vir my byna onsigbaar maak
maar ek dans en ek trap
en ek draf wind af
want by my vrou
wil ek kom
voor wind haar
in sy stof begraaf …
© Marsofine Krynauw
Geen opmerkings nie:
Plaas 'n opmerking