Oupa maan se maag

Ek sit hier in my venster

my beentjies opgetrek

teddie en my boek

elkeen op hul plek

ek gewaar toe oupa maan

so groot en wit en rond

omring deur al die sterre

daar aan die hemelfront

maar by my deug

dit is nie al

ek het so byna byna

van my sitplek geval

daar in oupa maan se maag

het ‘n elfie dit gewaag

dit lyk kompleet of hy daar sweef

is hy nie bang om te val

of sal oupa maan hom styf vashou

totdat hy hom sag kan laat gaan

daar waar hy op die horison ondergaan

ek is nou heel verwonderd

deur hierdie rare fonds

nog nooit nie het ek

‘n elfie gesien in oupa maan se maag

hoe het hy daar gekom

wil ek tog so graag weet

vir wie sal ek tog vra

die grootmense wil ek nie pla

en sal hulle ooit weet

al waaroor hul daglank praat

van soggens vroeg tot saans laat

werk en swoeg en sweet

hul wil nooit lees of speel

of soms net stuitig wees

hulle sal my nooit nie glo

van die elfie daar bo

in oupa maan se maag

nou bly dit my geheim

wat ek met teddie deel

die weet dit is waar

want kyk net hoe sit hy en staar

ek weet dat hy ook die elfie daar gewaar

en wanneer ons na bed toe gaan

sal ons droom van die elfie

in oupa maan se maag …

©Marsofine Krynauw