Liefde

Daar is onmin
in ons huise
daar is onmin
in ons land
daar is onmin
in families
en selfs onmin in ons hart
die Woord het reg voorspel
dat aan die einde van tyd
bloed teen bloed sal veg
dat niemand meer
ontsag sal hê
vir God en sy gebod
wat van as ons alles om kan keer
kan stop dat hierdie gekheid
gebeur
die kuur vir hierdie ooglog
is mos nie in vlees en bloed
maar in ons Vader
se groot gebod
as ons liefde spreek in die môre
liefde leef die hele dag
liefde bewys aan elkeen op ons pad
liefde proklameer
met meer as ons lippe
van diep, diep uit ons hart
kan liefde heel
waar haat kom steel
kan liefde heers
waar vrees verdeel
kan liefde bou
waar die leuen breek
kan liefde verenig
waar haat verskeur het
ons voorbeeld was volmaak
vlekkeloos en getrou
tot in die dood –
dat ons liefde kan leef
aan Sy voorbeeld getrou …

as ons net God se liefde

met almal wil deel.
© Marsofine Krynauw