Twee kruike

Twee kruike
deur die Groot Pottebakker
gemoduleer
tot perfeksie
hul ronding en kurwes
in volmaakte ewewig
pragtig vir die mens
om te aanskou
het gebreek

tog nie net geval
en uit mekaar gespat

een skielik oorval
deur die groot vergeet
met ‘n lewensduur
al goed geleef
stadig het die vergeet
haar brein versmoor
totdat sy haar greep
op die lewe heel verloor

‘n ander se glasuurwerk
was nog skaars droog
en uit die oond
eendag het sy nog glinsterend
op ‘n tafel gepronk
die volgende
het ‘n vernietigende parasiet
aan haar brein begin vreet
sy honger onuitblusbaar
het hy haar nie lank gespaar
vir die wat so graag
nog na haar skoonheid wou kyk
sy honger was nie gestil
maar sy lê
nou leweloos
gebreek en stil
sal nooit weer met haar glans
almal bekoor

twee kruike
aan skukke
op die lewensvloer
hul stemme stil
hul skoonheid
hul geliefdes ontneem

vanaand word daar
in twee huise geween
oor ‘n lewe geleef
tog steeds te gou
van haar geliefdes geneem

‘n ander nog skaars begin
soveel drome
soveel liefde
soveel lewe
was daar vir haar nog voor …
sy het dit alles verloor

helaas
deur die trane van verlies
die troos
dat hul albei
geliefdes van die Pottebakker was
en nou weer terug is
daar by Hom.
(c) Marsofine Krynauw


Van Saterdag tot vandag is twee vroue oorlede, een 'n dame van 65 wat op 62 Alzheimers gekry het. Die ander 'n vriendin se dogter, net 34, wat net 4 maande gelede gediagnoseer is met 'n breingewas.