Daar is trane op haar wange
hierdie keer nie van verlang
maar vreugde ongekend
vir jare het sy hierdie stem
nie gehoor
‘n herinnering aan ‘n droom
‘n droom om ander
se drome werklik te maak
soveel blydskaps trane
het sy al laat vloei
soveel harte al laat blom
met haar omgee
en geloof
in die skrywer en digter met ‘n droom
nou vandag
heel onverwag
flits die beeld voor haar verby
van ‘n skrywer
van so lank gelee
en wyl sy staar
hoor sy die stem
die stem van ‘n vrou
wie se droom sy kon vervolmaak
die eerste tree
op die leer wat haar
na haar eie drome sou vat …
in ongeloof luister sy
val daar meteens ‘n enkel traan
hier aan die einde van die dag
van blydskap vir ‘n droom
waarvoor sy nog baie trane sal stort
om ander te kan hoor lag …
© Marsofine Krynauw
Geen opmerkings nie:
Plaas 'n opmerking