Verlange na jou
het my
na die blou waters
van die oseaan laat soek
miskien sal ek daar
daar waar ons nooit ons spore kon laat
vergetelheid vind
wyl die branders
ritmies oor my voete spoel
miskien sou die meeue se roep
my laat vergeet
van jou liefdeswoorde soet
miskien sou my hart
gesus word deur die
sagte suising van die see
die asuur blou water
wink verwelkomend
ek gaan
my blik het oor die blou verdwaal
meteens was dit nie die oseaan
maar jou emosie gevulde
blou oë - wat voor my dans
die son het warm my gesig en arms gesoen
ek het my oë gesluit en daar was jy
warm soos die son
het ek jou lippe op myne gevoel
jou liefkosing het warm deur my are gebruis
die seewind het saggies gefluister
my hare laat dans
maar ek het jou stem gehoor
sagte soet liefdeswoorde in my oor
die see sand klam onder my voete
het my aan jou hare laat dink
so nog vars uit die stort
sou ek die waterdruppels van jou
bors af soen
in my vlug weg van verlange
het ek jou daar op die strand gevind
jy was daar in elke asemteug van die
blou water
in die son en see en wind
jy het my toegevou en vasgehou
veilig van die storms om my heen
het ek meteens besef
al vlug ek na die uithoek van die aarde
jy is deur my wese geweef
jou naam op my hartskamer se mure gegraveer
jou lag die musiek van my dans
jy steeds die doel van my bestaan
al vind ek jou nie hier
jy is jy hier diep binne my …
meteens klink die klots van die branders
soos Mozart se Klarinetkonsert
streel die sagte klanke my siel
is ek gebroke en tog heel
wat jy is deur my wese gevleg.
© Marsofine Krynauw
Geen opmerkings nie:
Plaas 'n opmerking