Die winter is besig
om jou vel te verniel
alles te vries
tot binne in jou siel
dit voel of
die berge sneeu
jou gaan versmoor
van jou veggees
is daar weinig oor
die jas in die kas
wil nie meer pas
die stewels se sole
is deur geloop
geld is daar nie
om ander te koop
want winter het
al jou proviand
leeg getap
so waarheen sal jy
loop
in hierdie koue seisoen
sonder ‘n jas
om jou teen verkluiming te keer
of stewels om jou tred vas te maak …
bly maar net hier
veilig in die beskerming
van jou huis
want iewers is dit somer
iewers sit ‘n dromer
en droom oor winterkou
‘n kaggelvuur
en yskristalle wat aan die vensters hang
draai jy net jou gedagtes om
pak die vuur
steek dit aan
staar in die oranje geel vlamme
voel die hitte
die winter verdryf
die in jou lyf
maar meer nog
die in jou inner wese
stook jou gedagte gang
tel elke kriesel genade
wat nie eers die winter kon dood
dan skielik voel jy
die sagte roering in jou siel
jou liggaam, siel en gees warm
met die vrede
wat soos ‘n kombers
oor jou val
jou oordek
veilig en warm
in die aroma
van dankbaarheid
‘n glimlag breek
oor jou gesig
wat flus nog gevries was
by die wete
dat is is die winter
ongenaakbaar koud
God somer in jou hart sal plaas
as jou dankbaarheidsvuur bly brand.
© Marsofine Krynauw
Geen opmerkings nie:
Plaas 'n opmerking