Die dag het sy spore
in die sand gelos
ek en jy het saam
gedraf
hoe langer die skadus word
hoe veller het die wind
ons terug gestoot
tog het ons voorgebeur
wind-op
soos mis het die stof
die vlaktes oordek
alles oor trek
in grys en vaal
tog het ons bly beur
vorentoe
want hierdie dag moet
ook eens einde kry
skielik voel jy die sand
teen jou bene slaan
en skop die dag
jou gesig vol sand
jy proes en nies
probeer jou oë sluit
word in jou spore gestuut
met sand wat kleef
oor jou wese heen
het jy net weer besin
vir ‘n oomblik stil geraak
gevoel hoe die krag van binne
jou weer sterk maak
met vaste tred het jy voort gegaan
al het die sand jou gesig besproet
kon niks jou keer
want jy weet jou God is goed
dit in Sy krag wat jy voorbeur
al is die wind van voor
al word jou sig versteur
nou het die wind gaan lê
en jy loer oor die kruin
van die duin
met jou sand bespoete gesig
en weet waar jy jou oorwinning
vandaan kry.
© Marsofine Krynauw
Geen opmerkings nie:
Plaas 'n opmerking