Voor die goue bal
agter die horison
van die Etosha val
kwas dit die westerkim
in spookasem pienk en blou
sag op die oog
van die een
wat kyk deur die lens
dan loer die son
geeloog deur
die takke van die doringboom
om vir laas die dag
oor die panne te groet
‘n heilige stilte daal
neer oor die vlaktes
olifant, zebra, springbok en vlakvark
drink saam by die watergat
en die mens
agter die lens
staan in verwondering
oor die grootsheid
van die skeppingswerk
van sy God.
© Marsofine Krynauw
Geen opmerkings nie:
Plaas 'n opmerking