Goeiemôre Vriende,
Hier by my is dit vanoggend baie vroeg baie bedrywig, want ek verjaar en my volgende boek het uitgekom. Hoe gelukkig en geseend kan een mens wees. Steeds wil ek 'n paar minute neem om hierdie volgende Skrif met julle te deel.
SEFANJA 3:17 AFR83
Die Here jou God is by jou, Hy, die krygsman wat red. Hy is vol vreugde oor jou, Hy is stil-tevrede in sy liefde. Hy jubel en juig oor jou.
Lees hierdie skrif stadig en meer as een maal. Die God wat hemel en aarde geskape het, is vol vreugde oor jou en my! Die God wat niks van ons nodig het nie, maar tog ons liefde vra, is stil tevrede in sy liefde vir ons. Die God wat elke dag vir ons voorsien en ons seen, jubel en juig oor ons!
Ek weet nie van jou nie, maar dit is te groot vir my verstand om in te neem ... nie die buurman of buurvrou, nie die man wat met die Mercedes ry en ons nie raak sien nie, nie die vrou wat neus in die lug by ons verby loop omdat sy dink sy is beter as ons nie, God, Skepper God!
Laat ons vandag hierdie vers lees en verstaan en ons liefde onvoorwaardelik aan Hom gee, Hy is dit oor en oor en oor waardig.
Geen opmerkings nie:
Plaas 'n opmerking