In die arms
van die rooiduin kom
lê die Dooievlei gesus
wit soos doodsbeendere
gekenmerk deur die geraamtes
van wat eers bome was
‘n vlei wat se lewensaar
verstop is deur die sand
tog snags as almal
rus
is dit waar die hemel lewe kry
hier oor die dooie pan
die melkweg hand aan die naghemel
met swier
die suiderkruis pryk
helder en duidelik
oor die rooiduin
‘n sterre ontploffing
wat die hemel laat lewe kry
juis hier
hier oor die Dooievlei
hier staan jy stom verbaas
want helaas is dit hier
waar die sterre kies
om nag na nag
uitbundig fees te vier.
© Marsofine Krynauw
Geen opmerkings nie:
Plaas 'n opmerking