So met dag se ontwaak
hoor ek die soete area
van voëlgesang
ek hoor hoe hul
nie genoeg kan sê
oor die bloeisels aan die bome
wat met sagte pienk soentjies
perske en nektarien verfraai
‘n uitroep van algehele euforie
volg van die rooikopsuikerbekkie
oor die soete geure
van geel, wit en pers irisblom
maar o jy het net gee idee
hoe heerlik is die nektar op die tong
van die bloureën trosse
met nuwe blom
welriekend en sag op die tong
is hierdie sagte ligpers blom
tog laat bytjie nie op haar wag
sy het ook veel op die hart
ranonkels, pienk, liggroen en wit
anemoon mooi
getooi in wit, pers en rooi
weet jul hoe heerlik hulle nektar is
en ek
ek kyk om my heen
verwonder oor die
kleurespel in vele lente kleure
en sien trotse warmvlak kleur
van die Gerbera wat pronk
in karmosyn
met haar viere kop
en dubbel blom, so pragtig volmaak
by my voete
kan ek nie
die kleure en gelag
van grasangelier en gesiggie mis
tussen dit alles deur
breek daglelie die grond
om haar nuwe lewe
aan te kondig
miskien is sy ‘n bietjie laat
maar dit tog so
dat laaste soms die
kollig steel
terwyl die ander reeds
begin te taan
hier in my lente tuin
is die vreugdes so oorvloedig
die kleure, geure en seëninge
fenomenaal …
Geen opmerkings nie:
Plaas 'n opmerking